E mishon de Fundashon Jong Bonaire ta krea bon oportunidat pa futuro pa e hobenan de Boneiru. E Fundashon ta fundá na 1959. E programa pa despues di skol ta den funshon for di 1998; e kampamentunan den fakansi grandi a kuminsá na 1998, aktividatnan durante anochi i wikènt a inisiá meskos ku e Sentro Siña Biba Traha na 2013.

Na sentro Jong Bonaire mèntòr i lider di hóben ta traha riba ampliashon di konfiansa propio i outo- konsenshi di e hóbennan. Ta yuda e hóbennan sigui desaroyá nan disiplina i responsabilidat. Na e sentro nobo; Siña, Biba, Traha e adultonan hóben ta haña oportunidat pa traha na nan abilidatnan sosial pa hasi e paso pa bira independiente mas fásil.

Fundashon Jeugdwerk Jong Bonaire ta , pa gran parti, finansiá pa gobièrnu hulandes i esun lokal i pa medio di donashon di diferente fundashon. Nos mes ta perkurá pa 15% te 20% di nos presupuesto. Esaki nos ta hasi pa medio di rekoudashon di fondo i pidi donashon serka posibel sostenedó manera bo persona. Pa motibu ku nos ke sostené henter Bonaire ta trata di un suma konsiderabel. Lo ta di apresiá si bo koperá. Pa hasi un donashon, primi akí.