Fundashon Jeugdwerk Jong Bonaire (The Young Bonaire Foundation For Youth Work) ta fundá na 1959 i for di e tempu ei ta na servisio di komunidat. E programa pa despues di skol ta den funshon for di 1998; e kampamentunan den fakansi grandi a kuminsá na 1998, aktividatnan durante anochi i wikènt a inisiá meskos ku e Sentro Siña Biba Traha na 2013.

Disiplina Positivo ta e liña kòrá den tur aktividat di Jong Bonaire. Esaki ta enserá ku ta elogiá bon komportashon i ta duna ménos atenshon na komportashon molestoso. Komo ku mayoria hóben gusta pa haña atenshon ta siña rápido ku nan ta haña e atenshon si nan komportá “bon” i no si nan komportá “malu”.

Lidernan entrená ta guia tur aktividat i tur aña ta ofresé e lidernan kursonan adishonal. Hopi di nos lider pa hóben tabata miembro di Jong Bonaire te na nan eksamen final. Jong Bonaire a duna diferente lider pa hóben oportunidat pa sigui un kurso adishonal durante orario di trabou riba gastunan di Jong Bonaire.

Kontròlnan finansiero ta tuma lugá pa garantisá e spònsernan ku ta usa nan sèn na un manera responsabel. Gastunan general ta hopi abou ( 6%) pues kasi tur sèn doná ta bai direktamente na e aktividatnan pa hóbennan.